Anadolu Medical Center əsaslandırılmış yanaşmalara uyğun qurulmuş, akkreditasiya və standartlaşdırma üzrə milli və beynəlxalq tələblərə uyğun layihələndirilmişdir.
1. İnteqrasiya olunmuş idarəetmə sistemi
Anadolu Medical Center İnteqrasiya Olunmuş İdarəetmə Sistemi sertifikatını təsis olunmasının ilk ili başa çatmamış əldə etdi.
Xəstəxanamız aşağıdakı sertifikatları almışdır:
- ISO9001-2008: Keyfiyyət idarəetmə sistemi
- ISO14001: Ətraf mühitin idarə olunması sistemi
- OHSAS18001: Əməyin təhlükəsizliyi və sağlamlığı
1.1) ISO 9001-2008 keyfiyyət idarəetmə sistemi
ISO Beynəlxalq Standartlaşdırma Təşkilatıdır. Türkiyədə məhsulyönümlü sertifikatlaşdırma işlərinə TSE (Türkiyə Standartlar İnstitutu) tərəfindən başlanılıb. Tibb müəssisələri üçün ilk sertifikatlaşdırma 1996-cı ildə həyata keçirilib.
- ISO 9000 standartları keyfiyyət idarəetmə sisteminin əsaslarını izah edir və keyfiyyət metodları üçün terminologiyanı müəyyən edir.
- ISO 9001 standartları müəssisənin müştəri məmnuniyyətini artırması üçün zəruri olan və keyfiyyət idarəetmə sistemi üzrə müəyyən edilmiş standartlara uyğun şərtləri müəyyənləşdirir.
- ISO 9004 standartları keyfiyyət idarəetmə sisteminin səmərəliliyini və məhsuldarlığını nəzərə alan bələdçi təqdim edir. Məqsəd performansı yaxşılaşdırmaq və müştəriləri razı salmaqdır.
- ISO 19011 standartları keyfiyyət və ətraf mühit idarəetmə sistemləri üçün bələdçi təqdim edir.
ISO 9000 standartlarını 6 əsas başlıqda ümumiləşdirmək olar:
- Şərtlər və qaydalar
- Sənədləşdirmə şərtləri
- Rəhbərliyin məsuliyyəti
- Resursların idarə olunması
- Məhsulun / xidmətin həyata keçirilməsi
- Ölçmə, təhlil və təkmilləşdirmə
1.2) ISO 14001 ətraf mühitin idarə olunması sistemi
ISO 14001 təbii quruluşu və ətraf mühitin xüsusiyyətlərini qorumaq üçün görülən tədbirdir. Ətraf mühitin idarə olunması sistemlərinə dair ISO 14001 standartı ətraf mühitə və təbii resurslara ziyan vurmayan texnologiyaların tətbiqini təşviq edir və istehlakçıların bu məsələdə maarifləndirilməsini artırır. Həmçinin ətraf mühit üçün zərərli olan məhsul və xammalları aradan qaldırır.
ISO 14001 ətraf mühitin idarə olunması sistemi xəstəxanamızın göstərdiyi xidmətlərin ətraf mühitə təsirini müəyyən etmək və qiymətləndirmək, hər hansı əlavə təsirə nəzarət etmək üçün yaradılıb. Anadolu Medical Center-in müasir təcrübələrə ciddi şəkildə riayət etməsi prinsipi ətraf mühitin idarə olunması sisteminin vazkeçilməz şərtidir.
ISO 14001 ətraf mühitin idarə olunması sistemi sertifikatının tələblərinə cavab verən və bu sertifikata layiq görülən hər bir müəssisə:
- Tullantıları idarə edərək və təkrar emal edərək çirklənmənin qarşısının alınmasına töhfə verməlidir.
- Resurslarından səmərəli istifadə edərək təbii resursların istehlakını azaltmalıdır.
- Tullantılara nəzarət etməklə xərcləri azaltmalıdır.
- Ətraf mühitin mühafizəsini təmin edərək və ekoloji maarifləndirməni təşviq edərək cəmiyyətdə güclü etimad hissi formalaşdırmalıdır.
- İşçilərinin cəmiyyətə və ətraf mühitə hörmət edən müəssisədə çalışmaqdan qürur duymasını təmin etməlidir
Xəstəxanamız bütün qanuni tələbləri yerinə yetirir və ətraf mühitin idarə olunması sisteminin bir hissəsi olaraq aşağıdakı sahələrdə təkmilləşdirmələr aparır:
Tibbi tullantılara nəzarət
- Təhlükəli tullantılara nəzarət
- Radioloji təhlükəsizliyin təmin edilməsi
- Bərk tullantılara nəzarət
- Suyun çirklənməsinə nəzarət
- Havanın keyfiyyətinin qorunması
- Səs-küyə nəzarət
- Təkrar emala, kağıza, tonerə və təkrar emal olunan tullantı yağlarına nəzarət
- İşçilərin, pasiyentlərin, pasiyent yaxınlarının və subpodratçıların ekoloji məsələlər üzrə təlimi
- Təbii resurslardan səmərəli istifadə
- Tullantıların qapalı, keçirməyən və iysiz konteynerlərdə toplanmasının təmin edilməsi.
Xəstəxana ISO 14001 ətraf mühitin idarə olunması sistemini tətbiq etməklə nəyə nail olur?
- Xəstəxana ekoloji qanun və qaydalara uyğun xidmət göstərir.
- Qüvvədə olan qaydalara uyğun olaraq tibbi, bərk, maye və təhlükəli tullantıların idarə olunmasını və nəzarətini, qaz emissiyasının idarə edilməsini, səs-küyə nəzarəti və radioloji təhlükəsizliyi təmin edir.
- Fəlakətlərə hazırdır.
- Uğurunun davamlılığını təmin edir.
1.3) OHSAS 18001 əməyin təhlükəsizliyi və sağlamlığının idarə olunması sistemi
Əməyin Təhlükəsizliyi və Sağlamlığının İdarə Olunması Sistemi (ƏTS) OHSAS 18001 sağlamlığa və təhlükəsizliyə təsir edən əməliyyatların elementlərini təsvir edir. O, qüvvədə olan qanunlara uyğunluğu təmin etməyi hədəfləyir, eyni zamanda iş mühitinin inkişafının daimi təkmilləşdirilməsinə və ölçülməsinə, məqsədlərə çatmağa imkan verir.
OHSAS 18001 ƏTS işçilərə təhlükəsiz və sağlam iş mühiti təmin edir. ƏTS müəssisənin işçilərinə daha yaxşı rəqabət şəraitinə nail olmaq üçün əməyin təhlükəsizliyi və sağlamlığı üzrə planlı və sistemli işlər aparmağa kömək edir.
2. JCI akkreditasiyası (Beynəlxalq Birgə Komissiya)
Xəstəxanamız 17 fevral 2007-ci ildən JCI tərəfindən akkreditasiya olunub. Bu sertifikat müəssisənin pasiyent qayğısının keyfiyyətini yüksəltmək, pasiyentlər və işçilər üçün təhlükəsiz mühitin təmin olunmasında riski azaltmaq və davamlı təkmilləşdirməni təmin etmək məqsədilə JCI tərəfindən müəyyən edilmiş standartlar silsiləsinin bütün tələblərini yerinə yetirdiyini bildirir.
JCI standartları iki əsas başlıq altında qruplaşdırılır: pasiyent mərkəzli standartlar və təşkilat mərkəzli standartlar.
Pasiyentin diqqət mərkəzində olduğu standartlar
- Qayğı və qayğının davamlılığı
- Pasiyentlərin və pasiyent yaxınlarının hüquqları
- Pasiyentin qiymətləndirilməsi
- Pasiyent qayğısı
- Anesteziya və cərrahiyyə
- Dərmanların idarə olunması və istifadəsi
- Pasiyentlərin və pasiyent yaxınlarının maarifləndirilməsi
İdarəetmə standartları
- Keyfiyyətin və pasiyent təhlükəsizliyinin yaxşılaşdırılması
- İnfeksiyanın qarşısının alınması və nəzarəti
- İdarəetmə, liderlik və rəhbərlik
- Obyektin idarə olunması və təhlükəsizlik
- İşçilərin ixtisası və təlimi
- Kommunikasiyanın və məlumatın idarə olunması
ESMO (Avropa Tibbi Onkologiya Cəmiyyəti)
Avropa Tibbi Onkologiya Cəmiyyəti tərəfindən verilən ESMO sertifikatı onkoloji pasiyentlərə göstərilən qayğının keyfiyyətini qiymətləndirir və pasiyentin bütün ehtiyaclarının nəzərə alındığını, bu istiqamətdə tətbiqlərin həyata keçirildiyini təsdiqləyir. Xəstəxanamız sertifikatı 2007-ci ilin oktyabr ayında alıb və 2010-cu ildə yenidən sertifikatlaşdırılıb.
Biz KalDer üzvüyük
Türkiyə Keyfiyyət Dərnəyi (KalDer) 1991-ci ildə bir qrup könüllü tərəfindən yaradılmış qeyri-hökumət təşkilatıdır. KalDer-in məqsədi bütün özəl və dövlət qurum və təşkilatları, habelə bütün qeyri-hökumət təşkilatları üçün beynəlxalq səviyyədə keyfiyyət dərəcəsi qazanmaq və rəqabət qabiliyyətini gücləndirmək üçün əlverişli şərait yaratmaqdır. 2.100-dən çox üzvü olan KalDer Avropa Keyfiyyət İdarəetmə Fondunun (EFQM) üzvüdür. O, Türkiyədə Ümumi Keyfiyyət İdarəetməsinin və Beynəlxalq Keyfiyyət Hərəkatının tətbiqinə başlayıb. Xəstəxanamız 14 mart 2008-ci ildə KalDer-in üzvü olub.
KalDer üzvü olmaq nə deməkdir?
- Rəqabət qabiliyyətini davamlı olaraq yaxşılaşdırmağı hədəfləmək
- Beynəlxalq Keyfiyyət Hərəkatının bir hissəsi olmaq
- Mübadilə və öyrənmə üçün daha çox imkan təklif etmək və tapmaq
- Keyfiyyəti və mükəmməlliyi fəlsəfə kimi qəbul edən şirkətlərdən biri olmaq
- Böyük beynəlxalq ailənin bir hissəsi olmaq
- Qalib olmaq! (bütün maraqlı tərəflərinizlə və bütün aspektlərdə qazanmaq)
Milli keyfiyyət hərəkatı nədir?
Bu, müəssisələrin aşağıdakılar üçün başladığı KalDer ilə əməkdaşlıqdır:
- Ümumi keyfiyyət idarəetməsini qəbul etmək;
- EFQM Excellence modelini tətbiq etmək;
- Modelə əsaslanan özünüqiymətləndirmə aparmaq.
Planetree Gold akkreditasiyası
QAYĞI FƏLSƏFƏMİZ
Xəstəxanamıza gəlməzdən əvvəl etməli olduğunuz yeganə şey ehtiyaclarınız barədə bizə məlumat verməkdir. Yeni mühitinizi tam olaraq evdə öyrəşdiyiniz kimi tapmağınız üçün bütün xidmətlərimizi fərdiləşdirib gözləntilərinizə uyğunlaşdıracağıq.
İnsan mərkəzli qayğı xidmətimiz Türkiyədə və regionda öz növünün ilkidir. O, pasiyentləri bütün proseslərin mərkəzinə qoyaraq təcrübə mərkəzli yanaşma ilə ilk gündən onlara dəstək olur.
OECI akkreditasiyası (Avropa Xərçəng İnstitutları Təşkilatı)
Anadolu Medical Center Avropa Xərçəng İnstitutları Təşkilatının standartlarını yerinə yetirərək OECI-dən akkreditasiya almış, Türkiyədə və yaxın coğrafi ərazidə ilk və yeganə xərçəngə nəzarət mərkəzidir.
OECI 1997-ci ildən Avropa İttifaqı daxilində fəaliyyət göstərən müstəqil vətəndaş təşkilatıdır. Bütün xərçəngə nəzarət mərkəzlərini qeydiyyata alır və onların yenilənməsini aktiv şəkildə izlədikdən sonra akkreditasiya verir.
OECI onkoloji mərkəz kimi tanınmaq üçün müraciət edən müəssisələri öz standartlarına uyğun qiymətləndirdikdən sonra, keyfiyyətin yaxşılaşdırılması prosesini izləyərək akkreditasiya edir. Bunu tələb edən mərkəzləri yoxlayır, xərçəngin diaqnostikası, müalicəsi və izlənməsi proseslərində zəruri standartları nəzərə alaraq ətraflı iş aparır.
Biz hər an sizinləyik
Həkimlərimiz, vaka menecerlərimiz, diyetoloqlarımız və lazım gəldikdə psixoloqlarımızla müalicənizin hər mərhələsində 24/7 yanınızdayıq.
Ailə birliyinə üstünlük veririk
Diaqnozdan sonra valideynləri və həkimləri bir araya gətiririk ki, vəziyyətiniz və müalicəniz barədə yaxınlarınızı ən effektiv şəkildə məlumatlandıra bilək.
Qayğıda Tərəfdaşlar Proqramı: Bu proqram pasiyentlərə ailəsini və dostlarını öz qayğısına cəlb etmək imkanı verir.
Birgə qərar qəbulu: Bütün klinik qərarları ailə görüşləri vasitəsilə pasiyentlər və onların ailələri ilə birlikdə qəbul edirik. Bu görüşlər zamanı bütün klinik komanda alternativ müalicə variantlarını pasiyentlər və onların ailələri ilə müzakirə edir.
Ağ lövhələr: Pasiyent otaqlarındakı lövhələr sayəsində pasiyentlərimizin gündəlik cədvəli artıq sirr deyil və onlar gün ərzində addım-addım nə baş verəcəyini bilirlər.
Pasiyentin idarə etdiyi ziyarət: 24 saatlıq ziyarət qəbul etməyi və ya ziyarəti müəyyən saatlarla məhdudlaşdırmağı seçə bilərsiniz.
Açıq tibbi qeydlər: Tibbi qeydlərinizdən istədiyiniz vaxt və istədiyiniz yerdə istifadə edə bilərsiniz. Həkim çarpayınızın yanında oturub bütün klinik məlumatlarınızı sizə göstərə, tibbi terminləri izah edə və bütün suallarınızı cavablandıra bilər.
