Ambulator və stasionar xidmətləri özündə birləşdirən uşaq onkologiyası xidmətimiz bərk toxuma və beyin şişləri olan bütün yaş qruplarından uşaqlara hərtərəfli xərçəng müalicəsi təqdim edir.
Sümük və yumşaq toxuma şişləri, qaraciyər və böyrək şişləri, neyroblastoma, retinoblastoma və nadir rast gəlinən şişlər daxil olmaqla müxtəlif bədxassəli bərk şişləri olan uşaq və yeniyetmələri müalicə edirik.
Multidissiplinar komandalarımıza radioloqlar, patoloqlar, uşaq cərrahları, pediatrlar, neyrocərrahlar/onurğa cərrahları, nevroloqlar, şüa onkoloqları, ortopedlər, uroloqlar və döş qəfəsi cərrahları daxildir; onlar uşaq onkoloqu ilə birlikdə pasiyentin xərçənginə diaqnoz qoymaq, əməliyyat etmək və müalicə etmək təcrübəsinə malikdir. Bütün bunlar pasiyentlərimiz və onların ailələri üçün həyatlarının çətin bir dövründə uşaqlara uyğun mühitdə həyata keçirilir. Pasiyentlərimizin müalicə nəticələrini və həyat keyfiyyətini yaxşılaşdırmaq üçün ən müasir klinik üsullardan istifadə edirik.
Anadolu Medical Center pasiyentlərinə ən qabaqcıl diaqnostika və müalicə imkanlarını təklif edir, o cümlədən:
- Uşaqlarda bərk şişlərin çıxarılması üzrə ixtisaslaşmış uşaq cərrahları
- Şişin növünü müəyyən etmək və hansı müalicənin daha effektiv ola biləcəyini proqnozlaşdırmaq üçün molekulyar diaqnostik testlərdən istifadə edən patoloqların peşəkar diaqnostikası
- Residiv neyroblastoması olan uşaqlar üçün IIB-131 MIBG müalicəsinin təqdim edilməsi
- Şişlərin çıxarılmasına kömək məqsədilə minimal invaziv radiotezlikli ablasiyadan istifadə edən invaziv radioloqlar
- Şüa onkologiyasında qabaqcıl müalicələr (məsələn, Cyber Knife, TrueBeam)
- Mütəxəssislərdən pulsuz ikinci tibbi rəy
Bölmədə müalicə olunan xəstəliklər aşağıdakılardır:
- Beyin və onurğa beyninin bədxassəli və xoşxassəli şişləri
- Wilms şişi
- Neyroblastoma
- Rabdomiosarkoma və digər yumşaq toxuma şişləri
- Osteosarkoma
- Herminativ hüceyrə şişləri
- Retinoblastoma
- Histiositoz
- Endokrin şişlər
- Hemangiomalar və digər damar anomaliyaları
- Limfa düyünlərinin xəstəlikləri
- Neyrofibromatoz
- Xoşxassəli şişlər
