Cihazın istifadəsi və texniki xüsusiyyətləri:
Real vaxt rejimində şiş monitorinqindən dozanın dəqiq paylanmasına qədər bu cihaz müalicə prosesinin bütün mərhələlərində həkimin, tibbi fizikin və texnikin tələb etdiyi bütün proqram və avadanlıq imkanlarına malikdir.
- Cihaz həmçinin iki müxtəlif enerji səviyyəsində yüksək doza sürəti tənzimləməsinə malikdir və bu, müalicə seanslarının qısalmasına imkan verir.
- 120 ləkli və 2,5 mm enində yüksək ayırdetmə qabiliyyətli çoxləkli kollimator yüksək dozalı şüaları millimetr dəqiqliyi ilə şişə yönəldir, eyni zamanda normal toxumanı da həmin dəqiqliklə qoruyur.
- PerfectPitch 6 DoF masası ilə altı oxlu mövqeləndirmə sayəsində şüalanma asanlıqla düzgün nöqtəyə yönəldilir. Xətti və bucaq xətaları pasiyentin mövqeyinə əsasən avtomatik korreksiya olunur. Beləliklə, pasiyentlərin müalicə masasında tənzimləmələr üçün dəqiqələrlə gözləməsinə ehtiyac qalmır.
- Edge sistemi ilə pasiyentin mövqeyi tənzimləndikdən sonra hərəkətlərini izləmək üçün real vaxt rejimində səth izləmə sistemindən istifadə olunur. Müalicədən əvvəl müəyyən edilmiş pasiyent səthinin 3D təsvirləri ilə müalicə zamanı alınan təsvirlərin müqayisəsi vasitəsilə, Optik Səth Monitorinqi Sistemi (OSMS) adlanan sistem sayəsində marker istifadə edilmədən pasiyentin mümkün hərəkəti izlənilir. Pasiyentin tolerantlıq həddindən kənar hərəkətləri avtomatik aşkarlana bilər.
- Pasiyentin dəqiq mövqeləndirilməsi və hərəkətinin izlənməsi hərəkət edən orqanların düzgün müalicəsi üçün çox vacibdir. Bu məqsədlə Edge cihazının inteqrasiya olunmuş qabaqcıl IGRT sistemindən istifadə edilir. Doza görüntüləməsinin tənzimlənməsi (kV görüntü, CBCT və MV) müalicənin istənilən mərhələsində aparıla bilər. Tənəffüslə bağlı hərəkətlər doza verilişi zamanı izlənilə bilər.
- İntrakranial radiocərrahiyyə prosedurlarında HyperArc HDRT vasitəsilə çoxsaylı nöqtələrdən qeyri-koplanar şüalar verilə bilər və şişdən kənarda dozanın əhəmiyyətli dərəcədə azaldılması təmin olunur. Şüaları verən portal, masa və fırlanan baş hərəkəti avtomatik idarə edir; otağa girişlə bağlı fasilələri aradan qaldıraraq müalicə seanslarının qısalmasına kömək edir.
Varian Edge cihazı Varian şirkətinin ənənəvi müalicə üsullarını radiocərrahiyyə kimi daha qabaqcıl imkanlarla birləşdirən ən son texnoloji məhsullarından biridir. Bu, klinik stereotaktik radiocərrahiyyənin bütün tələblərini vahid platformada birləşdirən inteqrasiya olunmuş sistemdir. Baş və bədən daxilindəki bütün şişlər bu cihazla asanlıqla müalicə oluna bilər.